Ambot Lang!

Gusto ko’ng ma-bilyonaryo

batang buotan — Mon, 01 Nov 2010 07:01:39 +0000

Kinsa ba’y dili gusto’ng ma-bilyonaryo? Ikaw? Aw, ikaw gud. Basta ako, gusto gyod ko mahimong pulitiko este bilyonaryo!

Misaad na ra ba ko nga dili mo-kandidato pagka-presidente kung ako ma-bilyonaryo. Mao nga kalimti nga akong nalakbit ang pulong pulitiko.

Hisgot-hisgot ra man ning atua ba pero unsa man imong gusto kung ikaw ang ma-bilyonaryo? Mura’g lisod ni nga pangutana da ug paminaw ko nagkinahanglan pa ni’g lima ka-case nga beer.

Maayo pag maghisgot ta’g tinuod ani. Maghisgot na lang ta’g wakwak. Sa man?

Mas maayo pa, minaw ta’g musika, Billionaire!

Ambot lang!

Gwapa o ambungan ba ang imong kandidato?

batang buotan — Sat, 06 Feb 2010 10:06:34 +0000

Kinhahanglan nga gwapa sama sa artista! Kinahanglan gwapo ug ang nawong dili kabintahaan. Kay unsaon man ang plata-porma kung ang nawong dili maporma?

Unsa ka banggiitan nga komentarista sa eskina ang miingon nga kinahanglan nga gwapo gyod ang sunod nga presidente. Huna-hunaa ra gud ninyo, ang presidente kanunay makita sa TV; ang iyang hulagway itaplak sa mga bongbong sa tanang opisina sa gobyerno; motugot ba mo nga lud-on motan-aw sa iyang dagway?

Bahala’g lood ang gibuhat basta dili lang bidli ang dagway.

Mao tingali na nga kadaghanan sa mga sendar karon mga ambungan apan ambot unsay natampo. Dili na lang ko mokomento kay dili pa ko banggiitan ug labaw sa tanan, dili ko gwapo.

Mao na Inday, kalimti ang ang imong ngalan ayaw lang ang gwapong pulitiko. Basta, tan-awa ang puti nga porma’g itlog tunong sa ngalan sa kandidato kay mao ang imong bulitan ug itom. Wa lang untay mabutlog!

Ambot lang!

Political butterflies; Pero sa Mandaue, bisan kabayo mibalhin na?

batang buotan — Wed, 02 Dec 2009 18:21:12 +0000

Uso kaayo ning gitawag nga political butterflies. Kini sila mga politiko nga pulay lubot, kung asa ang kusog hala, ngadto magpunsisok.

Sa Mandaue City, daghan na kuno ang mibali. Matod pa sa report, bisan kabayo ni Mayor Jonas Cortes, mibaliktad na ug miadto sa kampo ni Rep. Nerissa Soon-Ruiz.

Tinuod kaha ni?

Kaganina, duna ko’y hatagbuang hulmigas. Nagduda ko nga gikan gyod to sa KUSOG nga mibalhin sa BOPK.

Ambot lang!

Margot Osmeña ug ang mga gwapang botante sa Cebu

batang buotan — Mon, 30 Nov 2009 19:20:50 +0000

Kinsa bay babaye nga dili gustong ma-gwapa? Gusto man gani sa ubang lalaki nga mahimong gwapa, ang babaye na ba.

Sa Cebu City, sigurado gyod nga modaghan ang gwapa. Kini tungod sa programa ni Margot Osmeña nga gitawag ug Oh My Gwapa! Beauty, Healthy and Happy.

Sa maong programa, libre ang manicure, ug ubang pang serbisyo nga aron mo-gwapa ang babaye matod pa sa report sa Sun Star Cebu. Wala man sab giingin kung unsa gyod ang ni nga mga serbisyo pangpa-gwapa. Tingali, libreng kulong sa buhok, libreng pa-istrit sa buhok, libreng paputol sa buhok, libreng make-up, lipstik, ug uban pa. Ako ray nagpuno ani ha, ambot gawas sa manicure unsa pa gyod kaha ang libre.

Sa wala nakaila, si Margot Osmeña, asawa ni siya ni Cebu City Mayor Tomas Osmeña. Ug sa mga natingalia nganong dunay Oh My Gwapa! Beauty, Healthy and Happy program, si Margot man gud modagan isip konsehal sa Cebu City.

Matod pa ni Margot, kapartido man o dili kapartido, libre sa pang-pagwapa program! Maong daghan na gyod ang naghinam-hinam.

Duna diay kondisyon, babaye ra ang makapahimulos sa Oh My Gwapa! Beauty, Healthy and Happy program.

Kay ngano, mga babaye ra diay ang botante sa Cebu City? Ug mga babaye ra diay ang gustong mo-gwapa?

Ambot lang!

Singot pil-it pil-it

batang buotan — Sun, 29 Nov 2009 17:14:55 +0000

Modagan pagka-gobernador sa Sugbo si kanhi konsehal sa Cebu City nga si Hilario Davide III. Iyang kaubana ang magpapili pag-usab pagka-bise gobernador Greg Sanchez.

Si Greg nakagamot na man. Dako na ang iyang tsansa. Apan si Davide mura’g maghangos gyod ni kay grabe na ang gamot ni Gob. Gwen Garcia.

Mao nay giingon nga panington gyod ni’g pit-it pil-it si Davide.

Ambot lang!