Gwapa o ambungan ba ang imong kandidato?
February 6, 2010 at 10:06 am 3 comments
Kinhahanglan nga gwapa sama sa artista! Kinahanglan gwapo ug ang nawong dili kabintahaan. Kay unsaon man ang plata-porma kung ang nawong dili maporma?
Unsa ka banggiitan nga komentarista sa eskina ang miingon nga kinahanglan nga gwapo gyod ang sunod nga presidente. Huna-hunaa ra gud ninyo, ang presidente kanunay makita sa TV; ang iyang hulagway itaplak sa mga bongbong sa tanang opisina sa gobyerno; motugot ba mo nga lud-on motan-aw sa iyang dagway?
Bahala’g lood ang gibuhat basta dili lang bidli ang dagway.
Mao tingali na nga kadaghanan sa mga sendar karon mga ambungan apan ambot unsay natampo. Dili na lang ko mokomento kay dili pa ko banggiitan ug labaw sa tanan, dili ko gwapo.
Mao na Inday, kalimti ang ang imong ngalan ayaw lang ang gwapong pulitiko. Basta, tan-awa ang puti nga porma’g itlog tunong sa ngalan sa kandidato kay mao ang imong bulitan ug itom. Wa lang untay mabutlog!
Ambot lang!
Entry filed under: kapanahon, ambot lang, pulitika, tira-birada. Tags: .
1.
Juliet | February 15, 2010 at 12:56 am
mao jud ayaw lang mo tan-aw sa hitsura, tan-awa ninyo ang kapabililidad nga kamao mamunuan. ambot lang sa langaw!
2.
jabberedonion | April 27, 2010 at 5:09 pm
pero kung gwapo ug nawng ug plataporma. ok kaayo diba?
jer, contribute nya ug balak, hanas biya ka sa bisaya…
3.
Jam | September 9, 2010 at 11:02 am
karon nga natapos naman ang piniliay ug bag ong liderato na usab. hinaut nga sa kining panahona, magsugod na ang kausaban sa nasud regardless kung unsa man ang porma sa mga kandidato sa piniliay.