Margot Osmeña ug ang mga gwapang botante sa Cebu
November 30, 2009 at 7:20 pm Leave a comment
Kinsa bay babaye nga dili gustong ma-gwapa? Gusto man gani sa ubang lalaki nga mahimong gwapa, ang babaye na ba.
Sa Cebu City, sigurado gyod nga modaghan ang gwapa. Kini tungod sa programa ni Margot Osmeña nga gitawag ug Oh My Gwapa! Beauty, Healthy and Happy.
Sa maong programa, libre ang manicure, ug ubang pang serbisyo nga aron mo-gwapa ang babaye matod pa sa report sa Sun Star Cebu. Wala man sab giingin kung unsa gyod ang ni nga mga serbisyo pangpa-gwapa. Tingali, libreng kulong sa buhok, libreng pa-istrit sa buhok, libreng paputol sa buhok, libreng make-up, lipstik, ug uban pa. Ako ray nagpuno ani ha, ambot gawas sa manicure unsa pa gyod kaha ang libre.
Sa wala nakaila, si Margot Osmeña, asawa ni siya ni Cebu City Mayor Tomas Osmeña. Ug sa mga natingalia nganong dunay Oh My Gwapa! Beauty, Healthy and Happy program, si Margot man gud modagan isip konsehal sa Cebu City.
Matod pa ni Margot, kapartido man o dili kapartido, libre sa pang-pagwapa program! Maong daghan na gyod ang naghinam-hinam.
Duna diay kondisyon, babaye ra ang makapahimulos sa Oh My Gwapa! Beauty, Healthy and Happy program.
Kay ngano, mga babaye ra diay ang botante sa Cebu City? Ug mga babaye ra diay ang gustong mo-gwapa?
Ambot lang!
Entry filed under: cebu, pulitika, tira-birada. Tags: cebu, Cebu City, Healthy and Happy program, Margot Osmeña, Oh My Gwapa! Beauty, Tomas, Tomas Osmena.
Trackback this post | Subscribe to the comments via RSS Feed